December 5, 2024 hian Art & Culture Department,  MCO General Hqrs. Lunglei, Luangmual Local Council leh Branch YMA te tangkawpin a buatsaih Cultural Meet chu 2^nd Bn MAP Complex Luangmual Lungleiah neih a ni a. 

Cultural Meet-ah hian Pu Lalramliana, Papuia bialtu MLA chu khuallian a ni a, khuallian hian thusawiin culture tih hian kan hnam lam leh zaite chauh ni lovin dikna leh rinawmna te, tlawmngaihna leh aia upa zahnate a keng tel vek a, chung chu kan venhima kan nunpui a pawimawh a ni, a ti. Khualzahawm Pu Francis Lalnuntluanga Ralte Commandant 2^nd Bn MAP pawhin thuchah bengvarthlak tak leh pawimawh tak a sawi bawk a ni.

Cultural meet hi Pu R Lalsangvunga, President MCO General Hqrs. Lungleiin kaihruaiin Pro Pastor Vanlalthansanga BCM Luangmual in hunserh a hmang a. Pu RK Lalawmpuia SRO A&C in lawmthu a sawi bawk a ni.

Cultural Meet ah hian MCO branch 8 (pariat) leh MCAA, Branch YMA, MHIP leh 2^nd Bn MAP English School ten hnam lam chi hrang hrang an entir a. Phenglawng tum leh malzai mawi tak tak te a awm bawk a ni.