Vawiin August 30, 2023 hian Saikuti Hall Lunglei-ah Art & Culture Department leh Mizoram Independent School Association (MISA) Sub-Hqrs. leh MCAA Sub-HqrsLunglei tangkawp te buatsaihin "Folk Dance Festival for Students" hlawhtling taka neih a ni a, Pu Lawmawma Tochhawng, Vice Chairman, HPC Lunglei chuan khuallian niin a hmanpui.
Programme hi dar 10:30 am - ah tan niin Pu H. Lalsangpuia, Vice-President, MISA - in a kaihruai a; Khuallian Pu LawmawmaTochhawng chuan thu sawiin, 'kan ram nuam takah hian nuam tak leh thlamuang taka kan chen ho theih nan zirlaite, thalaite an pawimawh a ni' a ti. Khuallian hian Programme hmanga kalkhawm zirlaite chu - lehkhathiam mi tangkai ni a, nu leh pa leh aia upate zahthiam a, ruihtheih thil laka fihlim tur leh nun kawng dik leh tha zawh a kan hnam nun ze mawite nunpui zel turin a chah a ni. Pu RK Lalawmpuia, SO in report pein lawmthu sawina hun a hmang bawk a ni.
Festival ah hian MISA Sub Hqrs. hnuaia sikul hrang hrang 12 bakah MCAA Sub-Hqrs. troupe ten hnam lam chi hrang hrang bakah Short Drama & Skit, Phenglawng tum leh individual item hrang hrang te an entir a, zaithiam hrang hrang ten zaiin kalkhawm te an awi bawk a, Festival hlawhtling tak leh hlimawm tak neih a ni.
 |  |  |
 |  |  |
 |  |  |
