Vawiin ni 11^th Oct. 2022 (Tuesday) dar 10:30 am khan Saikuti Hall, Lunglei-ah Art & Culture Department, Govt. Of Mizoram leh Mizo Cultural Artists’ Association (MCAA) Sub-Hqrs leh Mizoram Independent School Association (MISA), Lunglei te tang kawp buatsaih “ Folk Dance & Music Festival” hlawhtling taka neih a ni.

 Festival hawnna inkhawm hi Pu F. Rohmingliana, Principal, CMS in kaihhruaiin Pu Gen Khan Do, SRO (A&C), Lunglei-in Lawmthu a sawi a; Khuallian Pu R.Hmingthanzuala, Director, Art & Culture Dept. Govt of Mizoram in thuchah tha tak mai, "Hnam ziarang leh nunphung vawnnun zel hi a neitute tih tur a nih angin kan hnam nuphung ziarangte kan vawnnun zel hi kan mawhphurhna theuh a ni a. Kan ram a chhe zawnga hmingthang mek siam tha tur hian thalaite kan pawimawh a, zirtirtute leh nu leh pate thuawih hi Pathian malsawm kan dawnna tur leh kan hnam zia kan tundin zelna tur kawng pawimawh tak a ni", tih sawiin, Festival hi a hawng a ni.         

 Festival-ah hian English Medium School hrang hrang 13 (sawm leh pathum) atangin Sikul naupang ten hnamlam, zai leh drama, etc chi hrang hrang an entir a, zaithiam engemawzat an zai bawk a, programme hlimawm leh hlawhtling tak hman a ni.