Vawiin July 7,.2023 hian YUVA UTSAV - ­ District Level Youth Festival' chu Higher and Technical  Institute of Mizoram (HATIM) Conference Hall, Kawmzawl, Lunglei-ah Lunglei District pualin ropui taka hman a ni a. He hun hi Dr. Vanlaltanpuia, MLA, Chairman, MYC  chuan khuallian niin a hman pui a. District Level Youth Festival hawnna inkhawm  hi Dr. John Lalduhsaka, Coordinator, IQAC chuan a kaihruai a, Pi Mercy Sellate, Deputy Director, NYK chuan inlawmmna thu a sawi a; khuallian Dr. Vanlaltanpuia, MLA bakah Pu Dony Lalruatsanga,,Additional DC, Lunglei leh Pu Vuansanga, Principal, HATIM ten thu an sawi bawk.

He festival-ah hian Declamation contest•leh Cultural programme hman niin Sawrkar Department hrang hrang leh pawl thenkhat ten Exhibition leh Food stall chi hrang hrang hmangin an Department hmalakna te, an thil siam chhuah te an entir a. He hunah hian Art & Culture Deparrment atangin District Museum, Lunglei chuan Museum object engemaw zat an pho chhuak a, festival hmangtu mipuiin an hlut hle.

Yuva Utsav-ah hian ‘Panch Pran’ tih chu thupui atana hman a ni a. India ram chu ram hmasawn zawk, saltanna rilru atanga zalenna siam te, hnam ziarang leh hlutna chawisan te, inpumkhatna leh ram leh hnam tana inpekna thinlung pu tura tanlak te chu a thu ken pawimawh panga te an ni.