Vawiin March 17th, 2023 (Fri) dar 10:30 atang khan L.G.S.A Playground, Lungsen-ah Art & Culture Department, Govt. of Mizoram leh Lungsen Group YMA te tangkawpin an buatsaih “ Cultural Meet” chu hlawhtling taka neih a ni.

Cultural Meet hawnna inkhawm hi Pu B. Lalmalsawma, Organising Chairman-in a kaihruai a, Pu Lalchuailova, Dy. Director, Art & Culture Department chu khuallian a ni. Khuallian Pu Lalchuailova chuan thu sawiin, “kan hnam nun zemawi hrang hrang tlawmngaihna te, dikna leh rinawmna te, thuawih theihna leh aia upa zahna te hi thangthar zel ten kan vawn nun a, kan nunpui a pawimawh a ni” a ti a, Pu RK Lalawmpuia, SRO (AC), Lunglei in Cultural Meet buatsaih a nih dan te sawiin lawmthu sawina hun a hmang a, Cultural item hrang hrang te entir chhun zawm nghal a ni.

Meet-ah hian Participating Group 10 (sawm) - YMA Branch hrang hrangte, MHIP Branch te, MUP Unit te  leh, Guest Cultural troupe – MCAA Sub-Hqrs. Lunglei ten Mizo hnamlam chi hrang hrang te mawi takin an entir a, Zaithiam hrang hrang te an zai bawk a ni;  Meet hmang tur hian Department-a thawktute bakah MCO Gen.Hqrs Lunglei hruaitute leh MCAA Sub-Hqrs. Lunglei hruaitute  leh zaithiamte Lunglei atangin an kal a, programme hlimawm tak hlawhtling taka hman a ni.