Art and Culture Department, Mizoram, Government of Mizoram, India

Art & Culture Department leh Mizo Cultural Artistes' Association (MCAA) tangkawpin MCAA in kum 25 a tlin lawmna atana an buatsaih "MCAA Silver Jubilee Chheihlam Intihsiak-2023" chu vawiin khan zawhfel a ni. Mizo Cultural Artistes' Association (MCAA) memberte hi Art & Culture Department hnuaia mizo hnam lam zir chhuakte an ni.

"MCAA Silver Jubilee Chheihlam Intihsiak-2023" hi July 7th, 2023 khan Audition Round neih tan a ni a, intihsiak hi kum 16 hnuailam mipa leh hmeichhe inkawp leh kum 17 chin chunglam mipa leh hmeichhe inkawp hmanga buatsaih a ni a. Audition Round atang hian endiktu atan IMFA atangin Pi KC Runremsangi leh Pu Zohmingliana te leh kan mithiam neih, pensioner atangin Pi Lalrindiki leh Pu K. Rosiama te bakah MCAA atangin Pu David Lalrindika ten an endik a ni.

Vawiin July 18, 2023 hian Top-10 intihsiakna Vanapa Hall-ah neih niin Art & Culture Minister Pu R. Lalzirliana chuan khuallian niin a hmanpui. Lawmman semna hun hmanpuitu khuallian Pu R. Lalzirliana chuan, 'MCAA in kum 25 an tling chu a lawmpui thusawiin, mizo hnam lam leh zaite humhalha, chawinung zeltu ni turin duhsakna a hlan a. Kan hnam lam hlu tak takte hi a nihna dik taka humhalh a tul em em a, chutiang rilru pu-a Chheihlam intihsiak buatsaih a ni hi a lawmawm takzet a ni' a ti. Mizo hnam lam leh zai reng reng hi sum lem pai peipunna atana hman tum kher lo va, mahni insenso zawk huama midangte hnena pholan duhna rilru kan neih hian kan hnam a dam ang a ti bawk.

Intihsiakna chawhma dar 10:00-ah tan niin hi Pu K. Lalruala, Dy. Director chuan a kaihruai a; Result puan inkhawm hi chawhnu dar 3:00-ah neih niin Pu Gen Kha Do, Joint Director, Art & Culture Department chuan kaihruaiin Pu Lalhmangaihkima Kawlni, President MCAA, Pi Lalrindiki, Chief Judge leh Pu David Lalrindika, Vice-President, MCAA ten thu an sawi bawk a. Intihsiak Result puan a nih hnuah khuallian Pu R. Lalzirliana'n lawmman a sem a ni.

Audition round-ah hian Kum 16 hnuai lamah video 20 thehluh a ni a. Kum 17 chung lamah hian video 33 thehluh a ni a. Heta tang hian category hnih atan top 10 ve ve hi thlan niin vawiin hian intihsiakna pui ber chu neih a ni ta a. Intihsiakna hi chihnih - hla rang leh hla muang hmanga neih niin, vawiin intihsiakna-a a ti tha thlan chhuahte chu :

Kum 16 hnuai lam :

Kum 16 hnuai lam lawmman Pakhatna hian tangkafai Rs 10000 + trophy & chawimawina thuziak a keng tel a. Pahnihna-in Rs 7000 + trophy & chawimawina thuziak leh Pathumna hian tangkafai Rs 5000 + trophy & chawimawina thuziak a keng tel a, Consolation Prize hian tangkafai Rs 2000/-, trophy leh citation keng telin finalist dang te hi chawimawina thuziak hlan an ni.

Pakhatna

C. Laldintluanga & PC Lalremsangi, East Lungdar

Pahnihna

F. Lalhruaitluanga & Lalrinpuii, Saihnuni Sailo Memorial School, Bungkawn, Aizawl

Pathumna

Lalruattluanga leh Vanlalhmangaihi, St. Mary's School, Aizawl.

Consolation Prize

Isaac Vanlalduhsaka & Lalmuankimi, Sairep, Lunglei district &

PC Lalruatfela & F. Vanlalhlimpuii, East Lungdar

Finalist dangte chu :

Chuauthanzama & Lalhmangaihsangi, Mamit Dinthar,

Samuel Lalrinngheta & Lalrinawmi Tlau, Ainawn Veng,

K. Lalruatfela & Sofia K. Laltlanhlui, St. Mary's School, Aizawl,

K. Lalruathlua & Lalramchuani, MCC, Vaivakawn,

Alex Lalremzuala & Malsawmzeli, Thanglailung, Saitual district

Kum 16 hnuai lam mimal chawimawina

Mipa lam thiam ber - F. Lalhruaitluanga (kum 8), Saihnuni Sailo Memorial School, Bungkawn, Aizawl

Hmeichhia lam thiam ber - Lalhmangaihsangi, Mamit Dinthar a ni.

Kum 17 chung lam :

Kum 17 chunglam lawmman Pakhatna hian tangkafai Rs 30000 + trophy & chawimawina thuziak a keng tel a. Pahnihna-in tangkafai Rs 20000 + trophy & chawimawina, Pathumna-in hian tangkafai Rs 15000 + trophy & chawimawina thuziak a keng tel a ni. Consolation prize dawngtute hi Rs 5000/-, trophy leh chawimawina thuziak hlan theuh an ni a, finalist dangte hi chawimawina thuziak hlan an ni bawk.

Pakhatna

Vanlalrinnunga College Veng & Jenny Lalnunthari, Dinthar

Pahnihna

Lalduhawma, College Veng & Lalhruaitluangi Hnamte, Khatla South

Pathumna

James Lalsangliana & B. Hmingthanmawii, Thanglailung, Saitual district

Consolation Prize

PC Zaihmingliana, Vaivakawn & Lalsangzuali Sailo, Dinthar, &

Jimmy Lalrinkima Republic Vengthlang & Belinda Lalnunfeli Hauhnar, Chhinga Veng

Finalist dangte chu :

Dr Lalhriatpuia, Mission Vengthlang & L. Hmingmuanawmi, Reiek,

Lalpeksanga & Lalhmangaihsangi leh Bualdim Cultural Club, PTS, Thenzawl,