Vawiin Sept. 20, 2024 (Zirtawpni) chawhma dar 10:00 khan Zokhua, Falkawn-ah Art & Culture Department leh Mizoram Indigenous Games Association (MIGA), Aizawl tangkawp buatsaihin Zokhua, Falkawn leh a chhehvel khua-a school te pualin ‘Mizo Infiamna’   neih a ni. Mizo Infiamna hi Hlado chhama bul tanin Pu Gen Khan Do, Joint Director, Art & Culture Department in a hawng a, Pu Lalhruaitluanga, President, MIGA in Mizo Infiamna intihsiak dan tur kalphung a sawifiah hnuah intihsiak tan a ni.

Mizo Infiamnaah hian hmanlai mizo Infiamna chi 8 - In Arpa thai, In Arpa sual, Kalchhet, Sakuh uilut, Kawikah, In vawr, Zawnga leihlawn dim dim leh Ketaminu tlan te hmangin Falkawn Zokhaw chhehvel khua te atangin School 9 - Monfort Academy School; Melriat, Monfirt School, Melriat; Govt. Melriat Middle School,; Govt Hualngohmun Middle School, Govt. Middle School, Falkawn; Presbyterian English School, Falkawn; Redwood English Medium School, Falkawn; Govt. Middle School, Muallungthu an tel a ni.

Chawhnu dar 1:30 ah Mizo Infiamna 2024 Kharna & Lawmman Sem Inkhawm hman a ni a. Pu Lalchuailova, Dy. Director, Art & Culture Department chuan kaihruaiin, Pi Carol VLMS Dawngkimi, Director, A&C chuan Khuallian niin Pu V. Lalbiaknunga, Secy MIGA in report a pek hnuah Khuallian in thu a sawi a. Result chu Pu F. Lalthanmawia, Dy. Director, Art & Culture Department in a puang a. A pumpuia ti tha ber Overall Champion chu Govt. Melriat Middle School niin Runner Up chu Presbyterian English Medium School, Falkawn te an ni. Lawmman te hi Khuallianin a sem zawhah Pi Zirsangzuali, State Librarian, A&C in a sawi a. Mizo Infiamna chi hrang hrang hmanga intihsiakna huaihawt a ni hi School hrang hrang ten an hlut hle a ni.