Vawiin ni 21. August, 2025 hian District Art & Culture Office, Lunglei leh MAL Hqrs. Lunglei tangkawp te tangkawpin an buatsaih 'Mizo Inneih Dan' tih thupui hmangaq Seminar chu  Art & Culture Department Auditorium-ah a buatsaih a ni. 

Pu C Hrangdula, President,  MAL-in programme a kaihruai a, Pu K Lalrinawma, Vice Chairman, LMC chuan khuallian niin he hun hi a hmanpui a ni. Khuallian chuan thusawiin 'hmanlai mizo hnam dan zawm that a pawimawhna te sawiin upate chu Museum ang an ni' a ti a. Hei bakah LMC hmalakna hrang hrang leh a pawimawhna te a sawi tel bawk a. lawmthusawina thilpek Organising Committee te a hlan bawk a ni. 

Paper present hi mi pahnih Pu R. Hmingliana leh Pu TC Zonunsanga te hnen atangin ngaihthlak a ni bawk a. Mizo inneih chungchanga dan leh dun chi hrang hrang te ngaihthlakna leh zirhona neih a ni. Chawhnu lamah sawihona hun hman niin mi 17 laiin an sawi a. Pu Lalmuanpuia, SRO in lawmthu sawina a nei bawk. Seminar ah hian zirna in leh NGO hrang hrangte sawm niin Lunglei Govt College, HATIM leh Govt JB College atangin zirlai leh zirtirtu engemaw zatin prog an rawn chhim a. MUP, MHIP, MJA leh MAL memberte bakah Kohhran hrang hrang aiawh ten he hun hi min rawn hmanpui bawk a ni. Seminar chhim tu zawng zawng hi mi 150 chuang an ni.