Art & Culture Department hmalaknain Mizo Puan panga (5) chuan G.I. Tag/Registration (neitu nihna) a nei fel ta a, Zofate leh Mizoram tan mel lung pawimawh tak a ni. Hnam rohlu te zingah Mizo Puan chi hrang hrangte hi a tah dan-ah nasa taka tihdanglam a nih dan te, a hman dan hrang hrangahte ngaihmawh a hlawhna a rei tawh hle a. Art & Culture Department chuan hma hruaiin Mizo Puan panga (5) te-ah G.I Registration neih a nih theihnan Art & Culture Department hnuaia Tribal Research Institute chu buaipui turin ruat an ni a, theihtawp chhuaha hmalak a nih hnu-ah G.I Registration chu kan nei fel thei ta a ni.

Art & Culture Department, Government of Mizoram hminga G.I Registration hi tih theih a nih loh avangin Mizoram Art & Cultural Society hmingin dilna thehluh a ni a, a hnuaia mi ang hian –

1.       Mizo Puanchei                  Application No : 583
2.       Tawlhlohpuan                   Application No : 582
3.       Pawndum                          Application No : 586
4.       Ngotekherh                       Application No : 587
5.       Hmaram                            Application No : 588

Ni 20 November, 2017 khan Department for promotion of Industry and Internal Trade (DPIIT), Geographical Indication registry-ah theh luh a ni a. He dilna hi Geographical Indications’ Journal-ah April 12, 2019 atangin thla li (4) chhung tarlan a ni zui a. Hemi chhung hian engmah sawiselna leh hnialna a awm loh avangin G.I (a neitu nihna) chu Mizoram Art & Cultural Society pek a ni ta a ni.

Mizo puan pahnih (2) – Mizo Puanchei leh Tawlhlohpuan te hi August 16, 2019-ah Register a ni a. A dang pathum(3) – Ngotekherh, Pawndum leh Hmaram te hi Augst 22, 2019-ah register a ni bawk.

Mizo Puan panga (5)-in Geographical Indications’ registry a hmu ta hi a lawmawm tak meuh a. Heng Puan pangate (5) hi a hman dan tur te, a tah dan turte leh tul dangte chu Expert Committee, Mizoram Art & Cultural Society-in a duang ang.


Puanchei


Tawlhlohpuan


Pawndum


Ngotekherh


Hmaram