NEZCC, Dimapur leh Tangkhul Naga Zingsho Longphang (TNZL) tangkawpin an buatsaih ni thum chhung awh Border Area Cultural Festival chu April 26 - 28, 2023 chhung khan Manipur state chhunga khaw hrang hrang pathum Kamjong, Kangpat Khunou leh Grihang Village-ah te hlawhtling taka neih a ni a, Art Cultural Department chuan Mizoram aiawh turin Mizoram Cultural Troupe atan hian Lunglei, MCAA thlangin an tir chhuak a, Lunglei MCAA atang hian Member 15 kalin, Pu PB Lalrinkima, Programme Co-ordinator chuan Troupe Leader niin a hruai a ni.
Border Area Cultural Festival-ah hian Mizoram bakah Meghalaya, Nagaland, Jharkhandm Madhya Pradesh leh Manipur-a District hrang hrang atangin Cultural Troupe an tel hlawm a; Shri D. Vashum, Joint Director, NEZCC chuan Border Area Cultural Festival hi a hmanpui a, thusawiin - cultural progamme hmanga kan in unnau te tilang zel tur leh midang culture-te kan hriat thar zel theih nan te, midang culture te zahna kan neih zel theih nan lam tur a rawn kal zawng zawng te leh rawn chhim tute a chah a ni.
Mizo Cultural Troupe te hian Khuallam leh Cheraw te entirin hun hlimawm tak an hmang a, mipuite pawhin hmuhnawm an ti hle a ni. Programme an hman zawh hnu in May 1, 2023 khan tluang takin Aizawl an rawn thleng a ni.
