Ni 22nd November, 2018 chawhma dar 11:00 khan Mizoram Governor zahawm tak Shri. Kummanam Rajasekharan chuan Mizoram State Archives a tlawh a, British Sawrkarin Mizoram an awplai hun a record an siam, State Archives in uluk tak a a lo vawnthat, lehkha pawimawh tak tak te uluk takin a thlir. Governor chuan record te chu ram leh hnam innghahna anih thu sawiin record vawn that kawngah Mizoram sorkar chu nasa leh zuala tan lak a ngaih thu a sawi. Tin, Mizoram State Archives tih hmasawnna tur atana hmachhawp mekah te tangkaina a neih ve chuan theihtawp chhuah a inhuam thu a sawi bawk a ni.
Mizoram-in Governor kan neih tawhte zinga Mizoram State Archives tlawh hmasa a ni a, Department hotute pawh Governor zahawm tak chungah hian an lawm hle. Governor hi Art&Culture Director Pu R. Hmingthanzuala leh Department Officer pawimawh ten an lo dawngsawng a ni.
