Mizoram State Library, Art & Culture Department chuan National Librarians' Day pualin ni 13 August, 2019 (Tuesday) hian Mobile Library Service a buatsaih a. National Librarians' Day hi August ni 12-ah hman thin a ni a, he ni hi Dr. S. Rangathan piancham hriatrengnan Raja Rammohun Roy Library Foundation (RRRLF) chuan kum 2009 khan National Librarians' Day atan a puang a. India rama Library Institution hrang hrangte chuan he ni hi ropui takin an lawm thin a ni, Mizoram State Library pawhin he ni-ah hian Programme/Function-te buatsaihin Library pawimawhna leh lehkha chhiar pawimawhna chungchangte mithiamten sawina hun an nei thin a. Tin, lehkhabu hawh tha (best reader award) naupang leh puitling mi  pathum ve ve te hnenah sem thin a ni.

Kum 2019 National Librarians' Day pual hian a vawikhatna atan Mobile Library Service buatsaih a ni a, home hrang hrang heng - Protective Home - Hunthar, Observation Home - Durtlang, Special Home leh Residential Institute & Training Centre (RITC) te tlawh kual a ni a, lehkahbu thahnem tak hawh chhuah tir an ni a, hlawk thlak an ti hle. Mobile Library Service hi a tul dan ang zela huaihawt zel tumin Mizoram State Library chu a inbuatsaih a ni.

Protective Home - Hunthar Veng



Residential Institute & Training Centre - Durtlang