Art and Culture Department, Mizoram, Government of Mizoram, India

Vawiin ni 10 Nov., 2022 khan Art & Culture Department leh MUP Gen. Hqrs. Buatsaihin Vanapa Hall-ah Aizawl khawpui chhunga MUP branch-te Lengkhawm Zai intihsiak chu a hmawr bawk a ni ta a, a pumpuiah Bungkawn Branch MUP-te pakhatna an ni.

MUP Lengkhawm zai intihsiak hi Pu K. Beichhua, Hon’ble Minister, Social Welfare Dept. etc. chuan Khuallian niin a hmanpui a, khuallian hian thusawiin, “Upate hi hnam zahawmna kengtu an ni a, MUP-in Lengkhawm zai intihsiak a buatsaih hian Mizo hnam rohlu kan lengkhawm zaite humhalh a tul zia min hriat thar tir a, a sak dan dik te, a nihna dik takte hi thangtharten kan hriat theihna tura MUP-in lengkhawm zai intihsiak a buatsaih hi a lawmawm tak zet a ni,” a ti. Pu Lalhuapzauva, President, MUP Gen. Hqrs. –in he hun hi a kaihruai a, Upa Lalthlengliana, Sr Adviser, MUP Gen Hqrs, chuan hunserh a hmang a, Pu J. Thanglura, Gen. Secy, MUP Gen. Hqrs. Chuan report a pe a ni. Pu R. Hmingthanzuala, Director, Art & Culture Department chuan thusawiin, “Art & Culture Department leh MUP te hian Mizo nunze mawi te, kan hnam nihphung ropui tak takte humhalh nan tha takin hma kan la ho reng a ni,” a ti bawk.

MUP Lengkhawm Zai intihsiak hi October, 2022 chhung khan Aizawl khawpui chhunga Area hrang hrangah buatsaih hmasak a ni a, Area 13 atangin MUP Branch 50 lai an tel a, Area Level-ah hian Lawmman pakhatna Rs. 4,000/-, 2-na Rs. 3,000/-, 3-na Rs. 2,000/- theuh pek an ni a, tin, MUP Branch tel zawng zawngin Rs. 1,000 /- an dawng vek bawk. Area Level 13 atanga pakhatna theuhte hi vawiin hian an intihsiak leh a, member 609 lai an tel a, hetiang hi result ani

Pakhatna : Bungkawn Branch MUP, Rs. 30,000 /-

Pahnihna : Ramhlun Vengthar Branch MUP, Rs. 2,0000 /-

Pathumna : Ramthar Branch MUP, Rs. 15,000 /-

Khuangpu thiam ber : Pu Vanlalfala Khiangte leh Pu Kapchhunga, Bungkawn Branch

Hla hril thiam ber : Pi Lianthangpuii, Ramthar Branch MUP

Branch kal tha ber : Chawnpui Branch MUP (Member 60 an kal)

Intihsiaka tel zinga Upa ber ( Art & Culture Dept Director Special Award

Mipa : Pu Hrangauva kum 94, Bawngkawn South

Hmeichhia : Pi Khawpuithangi kum 94, Ainawn Branch

Final round tel MUP Branch 10 dangte hian Rs. 8,000 /- theuh an dawng bawk.

Lehkhawm zai hla pathum hmangin intihsiak hi neih a ni a, chungte chu –

I ram min tiam chu kan thleng thei angem ? – Phuahtu – Saihnuna