Vawiin May 29, 2026 (Zirtawpni)hian Art & Culture Dept leh M.U.P. Gen. Hqrs tangkawp buatsaih M.U.P Lengkhawm Zai Intihsiak 2026 chu Vanapa Hall ah neih a ni.

He Lengkhawm Zai Intihsiak Result puan leh Lawmman sem Inkhawm chawhnu dar 1:00 a neih hi Pi Carol VLMS Dawngkimi, Director, Art & Culture-in a kaihruaiin lawmthu hi Pu F. Lalthanmawia, Jt Director in a sawi a. Khuallian Pu C. Lalsawivunga, Hon'ble Minister, Art & Culture chuan MUP te chu inkiltawih lo tur leh aia upa zah kawngah tu leh fate zirtira Mizo culture vawng nung zel turin a fuih a. 

Vawiinah hian Aizawl khawpui chhunga M.U.P. Area Level a intihsiakna neiha pakhatna theuh Branch 14 te an intihsiak a. Chuta Lawmman latu te chu -

1-na - Mission Vengthlang

2-na - Bungkawn

3-na - Armed Veng

Mimala lawmman latute chu -

Khuangpui - H. Lalmuana, Laipuitlang Br.

Khuangte - Vanlalfala Khiangte, Bungkawn Br.

Hla hril thiam ber - Lalrinsiami Colney, Mission Vengthlang Br.

Member kal tam ber - Zemabawk Branch (102) 

Lengkhawm Zai Intihsiak Kharna Inkhawmah hian Pi KC Runremsangi leh Pi Zoherliani ten  kalkhawmte thiam takin zaiin an awi bawk.