Vawiin August 17, 2026 khan Art & Culture Department, Mizo Photographer;s Society leh Mizoram Art Development Society teh Mizoram State Museum Building thara Art Gallery tih changtlunna turin thawhhona thuthlung an siam.

Mizoram State Museum, Art & Culture Department-a Art Gallery, Photo Section leh Painting Section Showcase-a thlalak leh lemziak hlu leh tha tar chhuah a nih theihnan he thawhhona thu thlung hi siam niin Art Gallery tih changtlun anih theihnan te, Museum tlawhtu mipuite hriatna kawnga puitu tangkai a nih theihnan te leh  thalaite hmasawnna a thlen theih nan te a siam a ni a,he thawhhona thuthlung hian kum khat chhung (August 17, 2026 atanga tanin August 17, 2027 thleng) a awh ang a, a tul anga pawhsei zel theih a ni.

Art & Culture Department aiawhin Pi Carol V.L.M.S Dawngkimi, Director-in hming a ziak a, Director hi Pu F. Lalthanmawia leh Jt. Direcor, Pu R. Lalruatfela Museum Curator ten an tawiawm a. Mizo Photographer Society aiawhin Pu H. Lalchhanhima , President-in hming a ziak a, Mizoram Art Development Society aiawhin Pu Vanlalhriata, President in hming a ziak a, MPS leh MADS Office Bearers ten an tawiawm a ni. He thawhhona thuthlung ang hian Mizo Phographer's Society ten Museum Art Gallery atan  Thlalak 38 an  buatsaih ang a; Mizoram Art Development Society ten Lemziak 42 an buatsaih bawk ang.