vawiin khuangchawi thla ni 18, 2023 khan Mizoram State Museum, Art & Culture Department chuan Gandhi Memorial High School, Champhai-ah Museum Exhibition and Awareness Programme an buatsaih a, mipuiin an hlutin an hlawhtling hle a, Pu James Lalrinchhana, DC, Champhai chu Khuallian a ni..

He Exhibition hawnna hun hi Pu H.T. Vanlalsawma, Headmaster, GM High School chuan a kaihruai a, Pu James Lalrinchhana, Deputy Commissioner, Champhai  chuan thusawiin, kan culture leh kan thil hluite humhalh a tul zia  leh ruihhlo do kawng a thalaite hmalak a pawimawh zia  a sawi a, Exhibition hi a hawng nghal a ni. Pu C Lalruatfela, Museum Curator, Mizoram State Museum chuan GM High School Museum hi Mizorama Museum kan neih hmasak ber a nih avanga he Exhibition pawh hi rawn buatsaih a nih thu a sawi a. Museum hi kan ram leh hnam rohlu, thil hlui te leh culture te vawnhimna hmun pawimawh berte zing a mi a nih rualin hmanlai hun leh tunlai hun in dawhzawmna leilawn pawimawh ber pakhat a nih thu a sawi bawk. 

He Exhibition-ah hian Champhai khawchhunga School 18 leh Diet, Champhaia Zirlaite an tel a, Exhibition chhimtu hi  mi 1650 vel a ni. Tin, Mizoram-a Museum hmaba ber kum 1968-a din GM High School Museum chu Department aiawha kalten an tlawh nghal bawk a ni.