Mizoram State Museum, Art & Culture Department-in ni 21 - 25 January, 2019 chhunga Museum Week an hman chu Ni 25.1.2019 (Friday) chawhnu  khan khar a ni ta. Museum Week hmang tura a bika sawm Aizawl khawpui chhunga College 5, high school 3 leh middle school 2-te atanga zirlaite leh zirtirtuten Museum Week hi an hman pui a, tin, heng bakah hian school dang engemawzat atangin zirlaite leh zirtirtuten an zirlai puitu atan Museum tangkai zia hriain an tlawh bawk. 

    Museum Week hi mipuiin an hlut hle a, Week chhung hian Museum tlawhtu mi 9963 an awm a, nitinin tlawhtu mi 1990 vel nei ang an ni.

    Museum hlutna hre thara Museum  tlawh thin turin Mizoram State Museum, Art & Culture Department chuan mipuite a sawm a. May 18, 2019 hian International Museum Day hman a ni leh ang a, chumi hunah chuan Museum hi mipui tan en man awm lovin hawn a ni leh ang.