Mizoram State Museum, Art & Culture Department chuan December 4, 2023 (thawhtanni) atanga December 8, 2023 (zirtawpni) chhunga Museum Week a hman tur chu Pi Carol VLMS Dawngkimi, Director,  Art & Culture Department chuan vawiin khan a hawng. Museum week hi India rama state hrang hrang Museum te chuan an hun remchan neih dan in an hmang thin a, Mizoram State Museum pawhin state pual bik in tun December 4, 2023 atanga December 8, 2023 chhung hian an hmang dawn a, he Museum Week chhung hian a duh apiang tan a thlawn in museum en theih a ni. 

Museum Week hawngtu Pi Carol VLMS Dawngkimi, Director, Art & Culture Department chuan thusawiin, ' Kan history leh culture hriat nan state dang mi leh foreigners ten Mizoram State Museum an rawn tlawh thin a ni' a ti. Kan khawvel te a changkang zel a, mi thiam te pawh an pung zel a, Museum hlutna te pawh kan hre chho zel a, school, college leh institution hrang hrang pawhin Mizoram State Museum chu an rawn tlawh thin a ni a ti a. Lunglei District Museum pawh Central Sawrkar puihna in mawi taka sak a ni a,kum thar lam ah chuan hawng thei tur a beisei a ni tiih sawi in, Ministry of Culture puihna in Siaha District Museum leh Chakma Museum pawh sak tum a ni tih a sawi bawk. Director chuan, 'Museum Extension MINECO ah sak niin Gallery siam hna thawh mek a ni a, zawh fel a nih chuan Mizoram State Museum pawh sawn phei tura beisei a ni ati bawk a ni.

Mizoram State Museum-ah hian tun dinhmunah Gallery 6 awmin show case-a museum object pho chhuah zawng zawng hi 731 a ni. Accession Register-a objects ziah luh zawng zawng hi 3947 a ni.