Art & Culture Department Annual Working Programme pawimawh ber te zing a mi Museum Week chu ni 21 - 25th Oct, 2024 chhung awh turin Mizoram State Museum, Mac Donald hill Zarkawtah hman mek a ni. A nikhat ni Oct., 21, 2024-ah Museum tlawhtu mi 510 an awm a, Oct 22, 2024 ah entu mi  460  lai an awm leh bawk. 

Mizoram State Museum-ah hian Gallery paruk awmin Museum object 730 mipui en theiha phochhuah mek a ni a, Reserve collection ah 3200 bawr dah that a ni. Museum Curator hoin thawktu pariat an awm mek. Kumin chhung hian  visitor 4500 bawr vel an awm tawh a ni.