Mizoram State Museum, Art & Culture Department buatsaih Museum Week chu ni 21 Jan., 2019 – Monday atang khan hmang tanin hman mek a ni a, January 25, 2019 Zirtawpni-ah khar a ni ang. Museum Week chhung hian nitin chawhma dar 10:00 atanga tlai dar 3:30 thleng mipui tan Museum chu en man awm lovin an hawng dawn a, mi zawng zawng Museum en turin an sawm. Museum Week hi kum 2004 atang khan kumtin February thla chawlhkar tawp berah hman chhoh thin a ni a, Museum Week a hlawhtlin lehzualna atan hian Zirna In te ngaihpawimawh an ni thin a, kuminah hian zirna in hrang hrang te an kal tan hun leh an exam hun tihdanglam a awm tak nual avangin January thla-ah Museum Week hi hman a ni ta a ni.
Museum chi hrang hrang awm zingah Mizoram State Museum hi Multipurpose Museum a nih avangin a hlutna hi a sang bik a, tlawh a man hla em em a ni. Mizoram State Museum hian 2017-2018 sawrkar kum chhung khan tlawhtu mi 9130 an nei a, museum tlawh tu zinga mi 10 te hi Foreigner an ni a, mi 24 te hi VIP leh VVIP an ni bawk. . Sawrkar kum kan hman mek April 2018 atanga vawiin ni thleng hian tlawhtu mi 8211 an nei tawh a, kum kal mekah hian Museum tlawh tu zinga mi 61 te hi Foreigner an ni a, mi 21 te hi VIP leh VVIP an ni.
Mizoram State Museum-ah hian Gallery 6 (paruk) a awm a, Mizoram State Museum hian Museum objects 3757 lai a la khawm tawh a, heng zinga 933 te hi show case chi hrang hrang 107-ah pho chhuah a ni a. A bak zawng hi reserve collection-ah dah a ni. Tribal Museum, Ranchi-ah te, Bhopal Museum-ah te, Silpigram Museum, Guwahati-ah te, Jawaharlal Nehru Museum, Itanagar-ah te Mizo hnam hmel lanna Museum Objects eng emaw zat thawn (Donate) a ni tawh a, Assam Riffle hmunpui Shillong-a Museum buatsaih turah Mizo hnam hmel lanna Museum Objects an neih theihnan theihtawp chhuah a tanpui an tum mek bawk.
Ni bik, a thlawna Museum a thlawna entheih ni hi siam a ni thin a , Chung ni te chu ‘Museum Week’ leh ‘International Museum Day’ te an ni. Entry fee hi puitling pakhat tan Rs.20 /- leh naupang pakhat tan Rs.10 /- a ni a. School naupang zirtirtute hruaia educational trip-a lo kalte chu 50 % concession pek an ni a. Tin, kum upa, kum 65 chin chung lam te chu en man chawitir an ni lo bawk. Tin, ram pawn atanga lo kal foreign visitor-te en man atan Rs. 50 /- lak a ni bawk. Museum hi March - September thla inkar chhung zawng chu dar 10:00 AM - 4:00 PM -ah hawn thin a ni a, October - February chhung chu dar 10:00 AM - 3:30 PM-ah hawn a ni thung. Tin, chawlhkar tin thawhtan ni apiang hian chawhma lamah thawktuten Gallery tihfaina hun an hmang thin a, chuvangin thawhtanni-ah chuan Dar 1:00 PM -ah Museum hi hawn thin a ni a. Inrinni hian dar 10:00 AM - 2:00 PM chhung hawn thin a ni a. Sunday leh Sawrkar Holiday-ah te chuan Museum khar thin a ni.
Government T. Romana College, Mizo Department
Government T. Romana College, History Department
Government Johnson College, History and Mizo Department
Government Ramhlun Venglai MIddle School
