Ni 14th. Dec. 2022 (Wed) dar 11:00 am hian Ropuiliani Mual, New Ralvawng-ah Art & Culture Department, Govt. Of Mizoram leh Mizo Cultural Organisation (MCO) Gen. Hqrs leh Branch YMA te tangkawp buatsaih “ Folk Song & Dance Festival” hlawhtling taka neih a ni. Festival hawnna inkhawm hi Pu .Lalsangvunga, President, MCO Gen. Hqrs in kaihhruaiin Khuallian Pu ZH.Ropuia, Ex-Minister & Patron, MCO Gen. Hqrs. in thuchah tha tak a sawi a, Pu Gen Khan Do, SRO(AC), Lunglei in lawmthu a sawi a ni.

Festival-ah hian New Ralvawng khuaa Govt. Primary School, Govt. Middle School, RMSA School, Branch YMA, Branch MHIP ten hnamlam chi hrang hrang an entir bakah Lunglei khawpui chhunga MCO Branch 3 (Pathum), MCAA Sub-Hqrs. Lunglei leh Dawn Branch YMA ten Hnamlam leh zai chi hrang hrang an entir bawk a, Hlado chham leh Zaithiam zai te nen programme hlawhtling leh hlimawm tak hman a ni.