September 9, 2023-a neih tur Consul General of India, Milan, ltaly leh North East Institute of Fashion Technology (NEIFT) te tangrualin an buatsaih ‘North East India Festival’ Milan, Italy-a tel turin Indian Council for Cultural Relations (ICCR), Ministry of External Affairs, Govt. of India, New Delhi sawm leh tirhin Mizo lam hrang hrangte, Mizo zai leh rimawite entir turin Senhri Folk & Cultural Troupe, Art & Culture Department chuan September 7, 2023 zanah India ram chhuahsanin Milan, Italy an pan a. Ni 13 Sep. 2023 ah India lam panin an rawn haw leh ang.
Mizoram Troupe te chauh hi he programme atana North East State hrang hrangte aiawh tura sawm an ni. He programme-a kan tel theihna tura hma min lak saktu Chief Minister zahawm tak, Pu Zoramthanga chungah Art & Culture Department chu an lawm hle a. Senhri Folk & Cultural Troupe, Art & Culture Department aiawh mi 9 te tana chawpchilh taka VISA pe tu Dr. Gianluca Rugabotti, Consul General of Italy, Kolkata chungah Art & Culture Department chuan lawmthu a sawi bawk a ni. Senhri Folk & Cultural Troupe te zinna senso hi ICCR, Ministry of External Affairs, Govt. of India tum a ni.
