October 3. 2025 (Zirtawpni) khan Art & Culture Department hmalakna-in North East Khawdungsei khua-ah Cultural Meet neih a ni a. Pi Carol V.L.M.S. Dawngkimi, Director, Art & Culture Department chuan Khuallian niin a hman pui a; he Cultural Meet-ah hian Tuiphal Group YMA huamchhunga YMA Branch hrang hrang te an tel a, N.E Khawdungsei Branch YMA ten an lo thleng a ni.
N.E Khawdungsei Tennis Courtpa Cultural Meet hi Pu K. Lalrodinga, Finance Secy. N.E Khawdungsei Br. YMA chuan a kaihruai a; Pu Vanhmingliana, Secretary. NE Khawdungsei Br. YMA chuan report a pe a, Pu ZR Hranga, President, NE Khawdungsei Br. YMA chuan lawmthu sawin hun a hmang.
Khuallian Pi Carol V.L.M.S. Dawngkimi chuan Art & Culture Dept. hnuaiah Hnam lam, Music leh Drama zirnna kalpui a nih thin thu sawiin, heng a zir chhuak te pawh hian Mizoram khaw hrang hrangah hnam lam zirtir a an kal thin thu a sawi a ni. Art & Culture Dept hnuaiah hian Museum State Library, Mizoram State Archive, Mizoram State Museum, Tribal Research Institute, leh Institute of Music & Fine Arts a awm thu sawiin mithiam ten an hlut thu a sawi a, zirlai leh researcher te tana hmun pawimawh a nih thu sawiin hmang tangkai ve ngei turin Cultural Meet hmang tute a chah. Heng bakah hian NE Khawdungsei khua-ah SASCI hnuaia sak Library din mek leh YMA Library tha tak an neih te hi hmang tangkai turin a chah bawk a, Cultural Meet-a School naupang tel zawng zawng te chu lehkha zir tha turin fuihna thu tha tak a sawi, zirna lama hlawhtling tur chuan aizawl school tha a kal kher lovin, thingtlang school atang pawhin mi ropui tak tak an lo chhuah tawh thu te sawiin, malsawm tlaka an hma theuha rinawm turin a chah a ni. Art & Culture Dept hnuaiah hian Affiliated club an awm thu a sawi a, heng cultural club te hi India rama hmun pawimawh leh VIP Programme hrang hrang ah te an lo zin thin tawh thu a sawi a, Affiliatedf club ni ve thei turin hnamlam ah te tan lo la zel turin Cultural Meet hmang tute a chah bawk a ni.
Cultural Meet-ah hian heng YMA Branch – Chaltlang Br., Saichal Br., Changzawl Br., Chiahpui Br., Pawlrang Br. Leh NE Khawdungsei Br. YMA, School hrang hrang te-te an tel a, Mizo hnamlam chi hrang hrang entir niin zai mawi tak tak ngaihthlak a ni bawk. Tuiphal group YMA huamchhungah hian YMA Branch 15 an awm a, YMA member 1450 (Mipa 786 leh Hmeichhia 664) an awm a ni.
 |  |  |  |
 |  |  |  |
 |  |  |  |
 |  |  |  |
 |  |  |
