Mizoram State Archives , Art & Culture Department chuan vawiin ni 25^th Sept, 2025 hian ni khat awh Record Management workshop a buatsaih a, sawrkar department hrang hrang te he workshop a tel tur hian sawm an ni a, department hrang hrang 35 leh kohhran lamah Mizoram Baptist Church atangin an rawn tel bawk a, Record Management workshop a tel zawng zawng hi mi 41 lai an ni.

Art & Culture Department Director Pi Carol VLMS Dawngkimi chuan Khuallian niin he hun hi a hman pui a. Pu F Lalthanmawia, Jt. Director Art & Culture Department chuan programme a kaihruai a; Resource Prerson atan Pu K. Lalruala, Deputy Director (Rtd) Art & Culture Dept. leh Pu C Lalmuanpuia, Chemist II, Mizoram State Archives te an ni.

Khuallian Pi Carol VLMS Dawngkimi chuan thu sawiin department pawimawh tak tak atanga Record management workshop a lo tel te mi 41 lai an awm thei chu a lawmawm tiin record leh file enkawl chungchangah kawng tam takin hlawkna an neih theih ngei a beisei thu a sawi. Khuallian chuan record leh file enkawl leh vawnhim chungchangah tan la sauh sauh turin kalkawmte a fuih a, tuna Mizoram State Archives a record vawnthat tam ber chu British Colonial hunlai a mi a ni tlangpui a, UT leh State kan nih hnu in record kan nei that loh tial tial thu te sawiin Mizoram State Archives lo chhawr tangkai zel turin kalkawmte a chah bawk. Pu Paul Lalringzuala, Superintendent of Archives in report tawi pe in Archives digitization chak taka kalpui mek niin record leh file an kawl mek atangin 80% an zawh tawh thu a report.

Workshop chhimtute tan digitization room , research & laboratory room te leh repository room te an fan pui an ni. The Mizoram Public Records act  2011 leh Mizoram Public Records Rules, 2014 chip chiar takin resource person te hnen atanga ngaihthlak a ni. File, register, map thlalak, audio file emaw video file tha taka an vawn that dan ngaihthlak a ni bawk. Sawrkar Department hrang hrang tena Record Creating Agency leh record management tha tak neih a pawimawh zia te sawi a ni.