Vawiin November 3, 2023 hian Pachhunga University College (PUC) chuan PUC Multipurpose Auditorium-ah Cultural Day cum Music Day 2023 an hmang a, Dr. Tawnenga, Former Principal, Pachhunga University College chu khuallian a ni a. PUC Cultural Day cum Music Day-ah hian Art & Culture Department chu Exhibition chi hrang hrang nei tura sawm niin College zirlaite pualin Exhibition cum Book Sale hlawhtling tak buatsaih a ni.

PUC Cultural Day cum Music Day 2023 - ah Art & Culture Department chuan stall - 4 a buatsaih a. Mizoram Publication Board-in lehkhabu hrang hrang chi 90 pho chhuakin lehkhabu 159 an pholang a. Tribal Research Institute (TRI) chuan lehkhabu chi hrang hrang 30, a vaiin 108 an pho chhuak bawk. MIzoram State Archive chuan Documents leh Lehkha hlui hlu tak tak chi 50 an pho chhuak a. Mizoram State Museum chuan Museum Objects 41 an pho chhuak bawk a, College zirlaite leh zirtirtuten an hlut hle a ni.

Pachhunga University College (PUC) Cultural Day cum Music Day 2023-ah hian nilengin programme hlu leh tha tak tak neih a ni a, College zirlaiten Mizo hnam lam leh zai, Mizo hnam thuam chi hrang hrang te an entir a; Tunhma atanga an lo tih thin thu leh hla lama mi bik chawimawi tlak puala an buatsaih 'Laisuih Award' chu an sem bawk a ni. Pachhunga University College-ah hian Cultural Club tha tak 'Chhawkhlei Cultural Club' a ding a, Mizo hnam lam leh zai chawinun zel kawngah an thawhhlawk em em a ni.