Vawiin August 14, 2023 chawhma dar 10:00 khan Vanapa Hall-ah Art & Culture Department buatsaihin Independence Day pual Partition Horrors Remembrance Day hman a ni. He Programme hi Pu K. Lalruala, Deputy Director, Art & Culture Department chuan a kaihruai a, Pu P.C. Lalrindika, Joint Secretary, Art & Culture Department-in thu a sawi a ni.

Joint Secretary Pu Lalrindika chuan a thusawinaah Partition Horros Remembrance Day hman a nih dan leh hman a nih chhan te hetiang hian a sawi a ni. Kum 2021 khan Prime Minister, Narendra Modi chuan Red Fort a a thusawiah, August ni 14 hi ‘Partition Horrors Remembrance Day’ atan alo puang tawh a. Kumin 2023 hi hemi ni pual a kan hman vawikhatna tur a ni a. Kum 1947-a India in zalena a sual chhuah khan, India leh Pakistan chu sakhuana vangin an inthen darh tihin a sawi theih awm e. Buaina tam tak chhuakin tun a kan dinhmun hi kan thleng a, vawiin hian heng hun laia thil thleng rapthlak tak tak te leh a tuar tu te hriatreng nan he programme hi buatsaih a ni.

Kum 1947 a India leh Pakistan inthen dawn khan, sakhuana leh politics lama inhmuhthiam lohna avangin chi leh chi inbeihna te, tualthahna te leh hmeichhe laka nunrawnna leh thil dang tam tak thleng a awm a ni. Lahore lam pana Muslim refugee te chuanna rel chu mi firfiak ten beiin an that chiam a, Lahore Train Station a a rel rawn thleng chu mihring ruang in a khat hial a ni.

Heng indona hian engmah thil tha a thlen ngai lova, in unauna kawng tichhia in kan than zel na turah kawng tam takin min dal thin a ni tih hi kan zir thar a ngai a. Zalenna kan neih te hi hmang thiam turin inzir zel ila, inpumkhatna lamah hma sawn tumin ram ropui tak din hi kan tih tur a ni tih hre chung kan nitin nun hi hmang tha zel ang u. Vawiin August ni 14, 2023 hi ‘Partition Horrors Remembrance Day’ hi kan Indian unau boral ta te, zalena sual chhuak tu te leh zalena kan neih theih nan a nun hlan zawng zawng te hriat reng nana hman a ni.