Vawiin May 8, 2023 chawhma dar 11:30 AM khan Art & Culture Department chuan Pi K.C Runremsangi, Dance Instructor, Art & Culture Department-in India rama Civil chawimawina sang Padma Shree Award a dawn lawmpuina hun an hmang.

Padma Shree lawmna inkhawm hi Art & Culture Directorate office-ah neih a ni a, Pu Gen Khan Do, Joint Director, Art & Culture Department chuan inkhawm a kaihruai a, Pi Carol VLMS Dawngkimi, Director, Art & Culture Department chuan thusawiin, 'Pi K.C. Runremsangi hian a hnathawhnaah tih tak zetin a thawk thin a, tha tak leh tih tak zeta a thawhrimna hi Pathianin mal a sawm a ni', a ti a, a finna leh a theihna te hi Department tan leh Mizoram tana hmang chhunzawm zel turin a chah a, lawmpuina Citation a hlan a ni.

MIzoram Art & Culture Employees Union (MACEU) aiawhin President Pu F. Lalthanmawian lawmpuina thu a sawi a. Pu Ngurbiaka, Director Rtd. leh Pu R. Hmingthanzuala, Director Rtd. ten lawmpuina thu an sawi a, Pu Laltlanthanga Pachuau, Senior Instructor, IMFA-in lawmpuina thu a sawi bawk a ni.