Vawiin November 9, 2023 dar 12:00 Noon khan Art & Culture Department leh Postal Department tangkawpin an buatsaih 'Postal Saving Awareness Campaign' chu Art & Culture Department Dance Hall-ah neih a ni a, Directorate of Art & Culture leh Tribal Research Institute office staff te an tel a ni.

Pi Carol VLMS Dawngkimi, Director, Art & Culture Department chuan Postal Saving Awareness Campaign hi a kaihruai a, Dept of Post atangin Pu HS Lalnghakliana, Marketing Executive in Post Office Saving Scheme hrang hrang (sum khawlhna hrang hrang) leh Postal Life Insurance leh Rural Postal Life Insurance chungchang leh a hnuaia scheme awm hrang hrang sawina hun a hmang a, zawhna leh chhanna hun hlawk thlak tak hman zui a ni.