SCHEME FOR FINANCIAL ASSISTANCE FOR VETERAN ARTISTES
1. ‘Scheme for Financial Assistance for Veteran Artistes’ hnuaiah Artistes Pension Award dil theih a ni a. He Award dil tur te chu State/National Awardees emaw Akashwani/Doordarshan hnuaia categorized /recognized artiste an ni tur a ni. Tin, diltu te hian an thawh theih laiin an art/themthiamna hmangin sum an la lut ngei a ni tih lantirna (proof) an nei tur a ni a. Thla khata an sum lakluh in (an nupui/pasal te sum lakluh tiamin) Rs. 4,000/- (Cheng sangli), emaw, kum khata an sum lakluh in Rs. 48,000/- (Cheng singli sangriat) a pel tur a ni lo bawk a ni. (Hei hian kum 60 aia naupang lo, State Sorkar emaw U.T. sorkar atanga tanpuina dawng tawh a huam lo ang).
2. Dilna hi Form awm sa (prescribed) hmangin, State/ U.T. sorkar emaw a diltu Zonal Centres (ZCC) kaltlangin anmahni hriatpuina (Recommendation) nen thehluh tur a ni. State /U.T. sorkar emaw a diltu Zonal Cultural Centres (ZCC) hriatpuina tel lova dilna thehluh te chu hnawl nghal an ni ang. Dilna Form leh Scheme kalphung te hi Ministry of Culture website www.indiaculture.nic.in emaw Directorate of Art & Culture Office, Chanmari, Aizawl ah ngaihven theih a ni ang.
3. Dilna hi Online a tih dawn chuan Ministry of Culture Website www.indiaculture.nic.in a ‘MOC Schemes Application’ tih heading hnuaia Culture Scheme Monitoring System (CSMS) Registration/Login page csms.nic.in/login/index.php ah tih tur a ni.
4. Dilna Form /Application fill-up reng reng te hi chiang tha leh chhiar theih ngei an ni tur a ni. Dilna Form leh lehkha thil tel reng reng te hi phek tin number pek zel tur a ni a, heng phek tin te hi a diltu in a sign vek tur a ni bawk a ni.
5. Ministry of Culture in Online a dilna lo lut te anmahni lama lo dawn (receive) theihna tur a ruahman fel vek hma loh chuan Artistes Pension Award dilna a Form te hi a nih tur ang taka fill-up a nih hnuin thil tel tur zawng zawng thil tel vekin ‘The Director, South Central Zonal Cultural Centre, 56/1. Civil Lines, Opposite MLA’s Hostel, Nagpur Maharashtra, Pin Code – 440001’ tih Address ah hian State /U.T. sorkar kaltlangin, Zonal Cultural Centres (ZCC) hriatpuina nen thawn tur a ni.
6. Dilna Form fill-up kim loh emaw, State/U.T. Sorkar/ Zonal Culture Centres (ZCC) hriatpuina tello emaw, Application Form a tarlan lehkha thil tel tur te thil tello a Form thehluh te chu pawm an ni lo ang.
Sd/-
Director,
Art & Culture Department,
Goverment of Mizoram
Download
Attachment
