March 12, 2021 ZING DAR 6:00 am khan India Independence 75-na lo thleng tur lawmna bul tanna ‘Azadi Ka Amrit Mahotsav’, Zalenna Hlimawm Kutpui lawmna bultanna kawngzawh chu Pu R. Lalzirliana, Hon'ble Minister, Art & Culture Department hovin neih a ni.


Pu R. Lalzirliana chuan India Zalenna kum 75 na chu thil lawmawm tak, rampum anga lawmna siam pawh thil tih awm tak a nih thu a sawi a. Zalenna chang tura India ramin a hun paltlang tawh zawng zawng thlir let chuan harsatna tam tak awm mahse, Mahatma Gandhi an a bul tan nan ralthuam leh tharum thawhna tel lovin, 'non-violence' hmanga zalenna a sual kha kan vanneihna a ni, a ti a. 


He kawng zawh hi Chanmari, Aizawl atang leh Sikulpui kawn, Aizawl atang tein neih a ni a, Aizawl Vanapa Hall kawtah intawk khawmin inkhawmna hun tawi te neih a ni a, he inkhawmna hi Pu R. Hmingthanzuala, Director, Art & Culture Department-in a kaihruai a ni.


Azadi Ka Amrut Mahotsav hi India Independence a hmuh champha phak kum 75-na chhinchhiahna turin a lawmna hrang hrang buatsaih chhohna tur a ni a, kar 75 chhung, August ni 15, 2022 thleng a awh dawn a ni.