Vawiin May 22, 2024 hian Millennium Center ‘Courtyard’-ah Mizoram State Library, Art & Culture Department, Govt. of Mizoram chuan Public Library Day a lawm. Public Library Day pual hian Library Membership and Awareness drive neih a ni a. Library-a lehkhabu thenkhat te he hunah hian phochhuah niin, a duh apiang tana hawh theih leh chhiar theih tura phochhuah a ni a, tin, a hmunah Member registration a tih nghal theih bawk ani. He hunah hian kal khawm mipui a tam thei ang ber hnenah library brochure te pawh sem nghal zel ani. 

Library member thar inziak lut mi 34 awm in, lehkhabu 51 hawh chhuah a ni bawk. Programme hi tluang tak leh hlawhtling taka hman ni in, chhimtu mipui te pawn an hlut hle ni a hriat a ni.

Kum 2015 khan Raja Rammohan Roy Library Foundation (RRRLF) chuan Social  reformer ropui Raja Rammohan Roy piancham May 22nd hi amah hriatreng nan Public Library Day atan a puang a. He ni pual hian Mizoram Public Library hrang hrang te chuan theih ang ang a programme buatsaih in hun an hmang thin a ni.