Art and Culture Department, Mizoram, Government of Mizoram, India

Government of Mizoram

Page Links: https://mizoculture.mizoram.gov.in/post/ram-puanzar-nena-kawng-zawh-tiranga-yatra-neih-a-nip

Ram Puanzar nena kawng zawh 'Tiranga Yatra' neih a ni

August 12, 2025 khan Sawrkar laipuiin kum 2025 Independence Day lawmna puala ram chhung in tina Ram Puanzar zar (Har Ghar Tiranga) beihpui thlak leh tura ruahmanna a siam bawhzui nan leh mipuiin phur taka Ram Puanzar an zar theih nana inzirtirna pakhat atan tukin khan Art & Culture Department huaihawtin Aizawl khawpui chhungah 'Tiranga Yatra' buatsaih niin, St.Pauls Higher Secondary School leh Mount Carmel Higher Secondary School ten India Ram Puanzar (Tiranga) kengin kawng an zawh.

Kum 2022, 2023 leh 2024-ah te lo kalpui tawh angin, kumin 2025 Independence Day pual hian August 2 - 15 inkar chhungin ram chhung in tina Ram Puanzar zar beihpui, "Har Ghar Tiranga" campaign chu kalpui leh mek a ni a. Hemi chhung hian ram leh hnam tan ṭhahnem ngaihna rilru pu chunga phur taka mahni chenna inah India Ram Puanzar (National Flag) zar chhuak ṭheuh tur leh ram puanzar nena mahni thlalak (selfie) te www.harghartiranga.com -ah upload turin District mipuite ngen an ni.