Art & Culture Department leh Central YMA tangkawpte buatsaih Aizawl khawpui huamchhunga Branch YMA te tana RAMNGAIH HLA ZAIPAWL INTIHSIAK chu vawiin October 13, 2022 khan a hmawr bawk a ni ta a, pakhatna chu Dawrpui Branch YMA Zaipawl an ni.

Chawhma dar 11:00 AM khan Vanapa Hall-ah neih Ramngaih Hla Zaipawl Intihsiak Final neih tan a ni a, Pu R. Lalzirliana, Hon'ble Minister, Art & Culture Dept. chu Khuallian niin Pu R. Hmingthanzuala, Director, Art & Culture Department-in inkhawm a kaihruai a. Intihsiaknaa Final lut (Top 5) BRanch YMA parukten intihsiakna an nei zui nghal a, heng Branch YMA te hi an ni - Ramhlun South Branch YMA, Durtlang Branch YMA, Ramthar North Branch YMA, Dawrpui Branch YMA Zaipawl, Bethlehem Vengthlang Branch YMA, Bawngkawn Branch YMA.

Intihsiakna hun hman zawh a nih Prof. Lalnuntluanga, Gen. Secretary, CYMA chuan Reports pe-in lawmthu sawina hun a hmang a. Khuallian Pu R. Lalzirliana chuan thu sawiin udge mi panga te aiawhin Pu Lalbiakthanga , Durtlang chuan intihsiak an endik dan tlangpui sawiin hun a hmang veleh a.Tichuan, intihsiak result puan zui nghal a ni a, hetiang hi result chu a ni.

1. Dawrpui Branch YMA (Lawmman Rs. 100,000 /-)

2. Durtlang Branch YMA (Lawmman rs. 70,000 /-)

3. Ramthar North Branch YMA (Lawmman Rs. 50,000 /-)

4. Bawngkawn Brnch YMA (Lawmman Rs. 20,000 /-)

5. Ramhklun South Branch YMA (Lawmman Rs. 20,000 /-)

6. Bethlehem Vengthlang Branch YMA (Lawmman Rs. 20,000 /0)

Inmtihsiaka zaipawl tel zawng zawngten Rs. 10,000/- an dawng bawk ang.

Best Conductor atan H. Lalmalsawma, Durtlang Branch YMA Zaipawl Conductor chu thlan a ni.

Ramngaih Hla Zaipawl intihsiaknaah hian Aizawl Khawpui huamchhung atangin YMA Branch 34 an tel a, member tel zawng zawng zat hi 1337 an ni. Branch YMA Zaipawl tel tam ber chu Dawrpui Branch YMA an ni a, member 64 a ni.