Art and Culture Department, Mizoram, Government of Mizoram, India

Art & Culture Department leh Central YMA tangkawpte buatsaih Aizawl khawpui huamchhunga Branch YMA te tana RAMNGAIH HLA ZAIPAWL INTIHSIAK chu vawiin October 11, 2022 chawhma dar 10:30 AM atang khan Vanapa Hall-ah neih chhunzawm a ni a. Vawiin hian Vawiin YMA Zaipawl branch 15 aṭangin member 569 an rawn tel thei a ni. RAMNGAIH HLA ZAIPAWL INTIHSIAK-a tel tur hian Aizawl khawpui huamchhung atangin YMA Branch 35 ten hming an pe lut a, rokhawlhna avangin Branch pakhat an rawn tel thei ta lo va; YMA Branch 34 atangin zaipawl member 1337 ten inelna hi an nei ta a ni. Branch YMA Zaipawl member tam ber chu Dawrpui Branch YMA Zaipawl an ni a, member 64 an ni. Tin, he intihsiaka endiktute chu -

Pu F. Lalthanmawia, Bungkawn

Pu Zothanmawia, Khatla

Pu K. Lalbiakthanga Durtlang

Pu L.V. Dawnga, Chaltlang

Pu Lalpiangliana, Damveng

Zanin dar 8:00 khan intihsiaka a ti tha zual thlan chhuah Top Five Result puan a ni a, Top Five-ah hian Branch 6 an lang a chungte chu -

Ramhlun South Branch YMA

Durtlang Branch YMA

Ramthar North Branch YMA

Dawrpui Branch YMA Zaipawl

Bethlehem Vengthlang Branch YMA

Bawngkawn Branch YMA

Top 5-a tlingte hian Ni 13 October, 2022 chawhma 11:00 AM atangin Intihsiak an nei leh ang a, result puan leh lawmman semna hun hman a ni nghal ang. He intihsiaknaah hian lawmman 1-na - Rs. 100,000/- 2-na-Rs. 70,000, 3-na Rs. 50,000 leh 4-na & 5-na in Rs. 20,000/- an dawng ang. Tin, inmtihsiaka zaipawl tel zawng zawngten Rs. 10,000/- an dawng bawk ang.

Ramhlun South Branch YMA Zaipawl