Art and Culture Department, Mizoram, Government of Mizoram, India

Art & Culture Department leh Central YMA tangkawpte buatsaih Aizawl khawpui huamchhunga Branch YMA te tana RAMNGAIH HLA ZAIPAWL INTIHSIAK chu vawiin October 10, 2022 chawhma dar 10:30 AM khan Vanapa Hall-ah neih tan niin Pu Lalhmachhuana, Vice President, CYMA chuan Zaipawl Intihsiak hi a hawng. Zaipawl intihsiak hawnna inkhawm hi Pi Carol VLMS Dawngkimi, Joint Director, Art & Culture Department-in a kaihruai a, Pu C. Vanlalruata, Secretary, Programme Sub Committee CYMA in report pe a ni.

Zaipawl Intihsiak atan hian hla panga thlan chhuah a ni a, hla thlan chhuah atang hian Hla Chuam tur an duh ber pakhat an thlang a, hla dang an an sak tur pakhat pawtin an sa theuh bawk a ni, intihsiakna tur hla te chu -

1. Ro min relsak ang che

2. Raltiang i kai ve ang

3. Khuavel i la chhing ngei ang

4. Pi pu chhuahtlang hlui

5. Sangha vuak hla

RAMNGAIH HLA ZAIPAWL INTIHSIAK-a tel tur hian Aizawl khawpui huamchhung atangin YMA Branch 35 ten hming an pe lut a. Vawiinah YMA Branch 19 aṭangin zaipawl member 768 an zai a, naktukah Branch 16 an intihsiak leh ang.

October 11, 2022 zan dar 8:00 -ah Zaipawl Intihsiak Top 5 result puan a ni ang a, result puan hi A&C Mizoram Youtube chanel leh CYMA Youtube chanel-ah live-a pek chhuah a ni dawn a ni. Top 5-a tlingte hian Ni 13 October, 2022 chawhma 11:00 AM atangin Intihsiak an nei leh ang a, result puan leh lawmman semna hun hman a ni nghal ang.

He intihsiaknaah hian lawmman 1-na - Rs. 100,000/- 2-na-Rs. 70,000, 3-na Rs. 50,000 leh 4-na & 5-na in Rs. 20,000/- an dawng ang. Tin, inmtihsiaka zaipawl tel zawng zawngten Rs. 10,000/- an dawng bawk ang.