NI 1.12.2022 (Ningani) dar 10:30 AM atang khan Samlukhai kua-a Samlukhai Park-ah Art & Culture Department leh Samlukhai Branch YMA-te buatsaihin Cultural Meet neih a ni a. Pu R. Hmingthanzuala, Director, Art & Culture Department chua khuallian niin Pu V.L. Mawia Ralte, OSD (Accounts), KVK chu Khual zahawm a ni a, he Cultural Meet-ah hian Samlukhai khua leh a chheh vel atangin Cultural Club, YMA Branch-te leh School engemaw zat an tel a ni.

Cultural Meet programme hi Pu H.K. Vanlalchaka, President, Samlukhai Branch YMA chuan a kaihruai a, Khuallian Pu R. Hmingthanzuala chuan thu sawiin, "ram leh hnam humhalh te, zirna kawng hmasawnna te leh hnam ziarang humhalh te hi a kalkawp vek thei a ni," a ti a, Khual zahawm Pu V.L. Mawia pawhin thu a sawiin Pu K. Lalruala, Deputy Director, Art & Culture Dept.-in lawmthu sawina hun a hmang bawk  a ni.

He Cultural Meet-ah hian Mizo hnam lam leh zai chi hrang hrang entir a  ni a, IMFA Band-te zaiin cultural meet hmangtute an awi bawk a ni.