March  22 - 26 March, 2026 chhunga General Council of Sangeet Natak Akademi,  New Delhi-ah an thukhawm a; He Meeting-ah hian Pi Carol VLMS Dawngkimi, Director, Art & Culture Department leh Council member ni bawk chu Mizoram aiawhin a tel a.  General Council Meeting hian India ram chhunga zai, lam leh lemchan (performing arts) lama talent nei thate chawimawina - Akademi Puraskar (kum 40 chung lam) leh Ustad Bismillah Khan Yuva Puraskar (kum 40 hnuai lam) chungchang a ngaihtuah a. Sangeet Natak Akademi chuan June 10, 2026 khan Akademi Puraskar dawng tur mi 108 leh Ustad Bismillah Khan Yuva Puraskar dawng tur mi 106 an thlan thu an puang a, chung zingah chuan Mizoram atangin mi pahnih an tel a, chungte chu - Pu K.Rosiama, Chanmari West (Folk Music category ah Akademi Puraskar-2025) leh Tv Lawmsangpuia, Chanmari West (Folk Dance & Music category ah Ustad Bismillah Khan Yuva Puraskar-2025) te an ni a; heng Award te hi Chairman, Sangeet Natak Akademi-in New Delhi-ah a la hlan ang.

Akademi Puraskar hian Pawisa fai Rs.1,00,000/-, Tamrapatra (dar phek) leh sorkar hming chuanna shawl (Angavastram) a keng a; Ustad Bismillah Khan Yuva Puraskar pawisa fai Rs. 25,000/- , Tamrapatra (dar phek) leh sorkar hming chuanna shawl (Angavastram) a keng tel bawk.