Nimin ni 23rd August, 2022 (Thawhlehni) zan dar 8 - 9 khan Sawrkar Record vawnthat pawimawhna chungchang All India Radio, Aizawl-ah Pu Lalmuanpuia, Archivist, Mizoram State Archives leh Pu F. Lalthanmawia, Senior Research Officer, Tribal Research Institute, Art & Culture Department te chuan Live Discussion hun an hmang a, Pi Olive Lalengzami chuan he hun hi a kaihruai.

Mizoram sawrkar hnuaia Department hrang hrangte record vawnthat kawnga danin mawhphurhna a pek an tihṭhat tawk loh chungchangte sawihona hun hman a ni a, hemi kawnga ṭan la leh zual turin  Department hrang hrangte an ngen a ni. 

Hemi bakah hian mimal leh pawl dangte tan pawha Mizoram State Archives-a an record pawimawhte dah ṭhat tura thehluh theih dan chungchangte pawh kim taka sawihona hun hmangin mimal emaw pawl emaw ten kan record (lehkha-kutziak emaw khawl chhut, thlalak, audio, video leh a dangte) ram leh hnam tana nakkin thlenga thil pawimawh tak ni theia kan hriatte chu Mizoram State Archives-ah hian dah lut turin an ngen nghal bawk a ni.

https://statearchives.mizoram.gov.in/post/sawrkar-record-vawnhat-pawimawhna-radio-programme