Vawiin November 14, 2025 khan Art & Culture Department leh Mizoram Science, Technology & Innovation Council, Directorate of Science & Technology tangkawpin an buatsaih 'Sensitization On Geographical Indication of Mizo Puan' chu Commerce and Industry Handloom Complex, Thenzawl Venghlun-ah neih a ni a. He hunah hian Mizo in a Geographical Indication (GI) Puan kan neih te - Mizo Puanchei, Pawndum, Ngotekherh, Hmaram & Tawlhlohpuan te vawnhim dan leh tah dan (technical specification ) hrang hrang inzirtirna hun te, Geographical indication chungchang sawifiahna te leh authorized user leh legal awareness kan GI puan bik tan sawifiahna leh sawizauna te neih a ni . Kan Mizo GI Puan vawn him leh a nihna dik tak a tah zel turin kalkawm te zirtir an ni .
He hun hi Pu F Lalthanmawia, Jt Director, Art & Culture Department chuan a kaihruai a, Resource person atan heng mite hi hman an ni :
1. Pi Boichhingpuii, Director ( Rtd) Art & Culture Department leh Mizo la deh leh ze thlan ziaktu
2. Pu Samuel Lalmalsawma, Principal Scientific Officer, Mizoram Science Technology & innovation council, Directorate of science & technology ( MISTIC)
3. Pu Laltlanzuala, Project Scientist -1, MISTIC
4. Pu Vanlalhuma Singson, Archeologist, Art & Culture Department
Thenzawl Town Handloom & Handicraft Society leh Thenzawl Handloom Association atangin member 71 rawn tel in GI puan hrang hrang tah dan dik tak zirhona hun an hmang.
 |  |  |
 |  |  |
 |  |  |
 |  | |
