Vawiin February ni 12, 2024 khan Art & Culture Director Conference Hall-ah Pu C. Lalsawivunga, Art & Culture Minister, The Mizoram Tribal Research Institute Society (MTRIS) Chairman ni bawk hovin Annual Governing body thutkhawm a ni.
Art & Culture Minister chuan kan culture leh hnam ziarang vawnthatna lamah kan ngaihtuahna seng lehzual turin member kalkhawmte chu a chah a. Art & Culture Department chu miin min hmuh dan kan thlak danglam a ngai a. Dikna leh rinawmna nen theihtawpa hnathawh a pawimawh thu leh kan sum sen ral ang angah pawisa deh chhuah dan kan ngaihtuah a ngai takzet a. Falkawn lama Art & Culture Department hnuaia Zokhua kan neih te pawh uluk taka enkawl a, sum dehchhuahna rotling siam nana hmang turin Department Officials leh The Mizoram Tribal Research Institute Society (MTRIS) Governing body members kalkhawmte chu a chah.
Meeting-ah hian Governing Board Member tur rawtna chu pawm a ni a. MTRIS By Laws/Constitution bakah MTRIS Rules and Regulation siamthat niin pawm a ni bawk.
Vawiin thutkhawmah hian Art & Culture Director bakah MTRIS Member te an tel a. Meeting zawh hian Minister hian Falkawn-a Zokhua a tlawh nghal bawk a ni.
