Vawiin ni February 27, 2025 (thurs) hian Art & Culture Department leh Tawipui Group YMA te tangkawp buatsaihin Thingfal khuaah Cultural Meet for Tawipui Group YMA neih a ni. Cultural Meet hi Pu F Lalhnehzova, Vice President, Group YMA in kaihruaiin Rev V. Biaknunsanga (BCM) in hunserh a hmang a. Pu R.K. Lalawmpuia, SRO (A&C) Lungleiin lawmthu sawina hun a hmang bawk. Meet-ah hian Tawipui Group YMA huam chhunga YMA branch hrang hrangte bakah, NGO hrang hrangte, MCAA Sub-Hqrs Lunglei ten hnam lam chi hrang hrang an entir a, zaithiamte an zai bawk a ni.

He hunah hian Khuallian Pu K Lalfakzuala, President Sub-Hqrs YMA Lunglei chuan thu sawiin – “Hnam rinawm kan nihna te, tlawmngaihna leh kan hnam nun ze mawi  hrang hrangte he cultural meet hian kan thinlungah tuh thar leh se, kan hnam lam leh zai mawi tak tak te hi I vawng nung zel ang u” tiin kal khawmte thu a chah a ni.