September 6, 2023 (Nilaini) chawhma dar 11 khan Art & Culture Department, Govt. of Mizoram, The Heritage Consortium, Patna leh HDFC Bank ṭang hovin an buatsaih ni hnih chhung awh Record vawn ṭhat dan chungchang inzirtirna Workshop, "Two Days Workshop on Preventive & Curative Measures of Archival Records Along with the Latest Methods of its Storage" chu Archives Hall, Babutlang-ah neih tan a ni a, Chief Secretary Dr. Renu Sharma chu khuallian niin Workshop hawnna Programme hi Art & Culture Secretary Pu Lalthansanga, MFAS chuan a kaihruai.
Workshop hawnna Programme hi Art & Culture Secretary Pu Lalthansanga, MF&AS chuan a kaihruai a. Pu Lalmuanpuia, Archivist chuan Introductory Speech sawiin Resource Person Dr. Vinita Sinha, Professor, Indraprastha College for Women, Delhi University leh Azfar Ahmad, Project Head, The Heritage Consortium, Patna te hnen aṭangin an hnathawh dan leh India ram hmun hrang hranga Records vawnṭhat dan zirtirna an lo kal pui tawh dante ngaihthlak a ni.
Khuallian Dr. Renu Sharma, Chief Secretary chuan thusawiin, 'hetiang Workshop hi Mizoram-a a vawikhatna a nih thu leh hemi kawnga ṭan lak zel a pawimawh thu a sawi a. Mizoram State Archives chu Mizoram sawrkar record vawng ṭha tu chauh ni lovin kohhran leh pawl Archives te kaihruaitu leh an mamawhna zawna ṭanpuitu a nih thu a sawi'. Khuallian chuan hetiang workshop hi thahnem ngai tak a hmang turin kalkhawm te a chah a, tin, record vawn that hi a pawimawh em avang in mizo mipui te chu hemi kawng a tan la tur leh a bikin sorkar department te phei chu 'The Mizoram Public Records Act - 2011' in a phut angin an record te enkawl leh vawng tha tawh turin a chah bawk a ni. Mizoram State Archive-te hmalakna tha a tih thu a sawi a. Archives in Newsletter a lo chhuah tawh ‘Tungchaw’ chu mipui ten hmang tangkai a, article leh an report te he newsletter ah hian tarlang a, chutiang a hmang tangkai tur chuan a sawm bawk a ni.
Workshop-ah hian District hrang hrang aiawhte bakah, kohhran hrang hrang Records vawng ṭha tute leh zirna in aiawhte an tel a ni. Chawhnu lamah Technical Session leh Practical neih niin Chemical Treatment tih dante a taka inzirtirna hun an hmang a.
Vawiin September 7, 2023 khan Workshop kharna inkhawm hi neih a ni a, Pu Gen Khan Do, Joint Director, Art & Culture Department chuan inkhawm kaihruai a. Kharna inkhawma khuallian Pu Lalthansanga, Secretary, Art & Culture Department chuan thusawiin, 'The MIzoram Public Record Act 2011 hi Sawrkar Dept. tinten ngaipawimawh se a duhthu a sawi'. Khuallian hian sawi chhunzawmin, ; Digitization of Documents hi uar a tul a, khuarel chhiatna leh tawhsual tawh palh thilah pawh buaina leh hloh awm lova min vawnhim sak thei tur a ni', a ti.
The Heritage Consortium aiawh atang te, Mizoram hmun hrang hrang atanga training na-a rawn tel te hnen atang te hi thusawi tha tak tak ngaihthlak a ni a. Pu Lalmuanpuia, Archivst, Mizoram State Archive chuan lawmthu sawina hun a hmang a. Training na-a tel zawng zawng te hnenah Certificate hlan an ni.
