North Eastern Zone Cultural Centre (NEZCC), Dimapur leh Art & Culture Department, Government of Mizoram-te thawkdun chuan UMANG Festival (Vohbikte Kut) 2018 chu ni 29th & 30th Nov. 2018 khan hlawhtling takin an buatsaih. Festival ah hian Mizoram hmun hrang hrang a Vohbik School panga (5) te atangin naupang pianphunga harsatna nei mi 40 lai an tel a ni.

UMANG Festival 2018-a School tel te :

1) ONYX Spl. School, Lunglei

2) Shalom Spl. School, Serchhip

3) Gilead Spl. School, Aizawl

4) Integrated Blind School, Kolasib

5) Spl. Blind School, Durtlang

Heng School hrang hrang atang hian an zirlai te enkawl turin zirtirtu (Escord) pahnih theuhin an telpui a, tin, Department mi leh sa pali nen an vaiin he Festival hmangtute hi mi 54 an ni. Tun tum UMANG Festival hi outreach programme a hman niin Missionary Training College leh P.C. Girl’s School ah te programme hman a ni. Programme kharna inkhawm hi P.C. Girl’s School Chapel ah Ni 30.11.2018 chawhma dar 11:45 khan hman niin Pu R. Hmingthanzuala, Director, Art & Culture Department chu khuallian  a ni a, Pi Carol VLMS Dawngkimi, Joint Director chuan programme a kaihruai a ni.