Ni 22 May, 2023 chawhnu khan sawrkar laipuia Minister of State for External Affairs & Culture, Pi Meenakshi Lekhi- chuan zan hnih riak turin Aizawl a rawn thleng a, chawhnu dar 2:15 khan thlawhtheihna in Lengpui a lo thleng a, Lengpuiah hian Pu R.Lalzirliana, Art & Culture Minister, Pi Carol VLMS Dawngkimi, Director, Art & Culture Department leh Sawrkar Official dang ten an lo hmuak a ni. Pi Meenakshi Lekhi, Union Minister of State for External Affairs & Culture hian Raj Bhavan-ah Governor Dr Hari Babu Kambhampati a hmu a, Ministry of External Affairs hmalakna huanga Mizoram tana thil pawimawh te an sawi dun a, Pi Meenakshi Lekhi, Union Minister of State for External Affairs, Union MoS for Culture ni bawk chuan Mizoram a rawn tlawh chhan leh a hun hman dan tur te Governor chu a sawipui a ni. Mizoram Chief Minister Pu Zoramthanga chu Union Minister of State for External Affairs leh Culture Pi Meenakshi Lekhi chuan a pisa-ah hmu in an inkawm a. Chief Minister chuan Union Minister chu Mizoram a lo tlawh avangin lawmthu a hrilh a,tluang taka hun a hman theih nan duhsakna a hlan nghal bawk.
Union Minister of State for External Affairs & Culture Pi Meenakshi Lekhi hian May 22, 2023 tlai dar 4-ah Mizoram State Museum a tlawh nghal a, Pi Meenakshi Lekhi chuan Mizo hnam rohlu, pi pute sulhnu leh kutchhuak hrang hrang a enkual a, tha taka enkawl a ni chu fakawm a tih thu a sawi a ni. Minister hi Pu Lalchuailova, Dy. Director, Pu F. Lalthanmawia, SRO leh Museum Curator Pi PC Zosangpuii bakah Official đangten an tawiawm a, State Museum a tlawh hnu hian Tourist Lodge, Chaltlang-ah Mizoram Art and Culture Minister Pu R.Lalzirliana'n a puala cultural programme cum dinner a buatsaih sakah a tel zui nghal a, Pi Meenakshi Lekhi puala buatsaih Cultural Programme-ah hian hnam lam leh zai hrang hrang te entir a ni a. Union Minister hnenah hian Pu R. Lalzirliana chuan ngaihhruina thilpek a hlan nghal bawk. He hunah hian Road & Infrastructure Development Board Vice Chairman Er. H. Lalzirliana bakah Art & Culture Department hotute - Pu Lalthansanga, MFAS, Secretary, Art & Culture Department, Pi Carol VLMS Dawngkimi, Director leh Officers te an tel a ni.
April 23, 2023 khan Union Minister of State for External Affairs and Culture of India Pi Meenakshi Lekhi hian Champhai District - a Champhai, Vangchhia, Zokhawthar, Dilkawn leh Khuangleng khuate tlawhin Sawrkar hmalaknate a enfiah a. Archaeological Survey of India-in Heritage Site-a a puan Kawtchhuah Ropui, Vangchhia tlawhin hmalaknate a enfiah a. Heng bakah hian ramri depa awm Zokhawthar khua tlawhin hmalak dante a enfiah a, Govt. Vengthlang Middle School Champhai, Anganwadi Centre Dilkawn leh Health & Wellness Centre Khuangleng-te tlawhin thawktute a kawm bawk.
May 24, 2023 hian Smt. Meenakashi Lekhi, Hon'ble Union Minister of State for External Affairs & Culture hian Mamit tlawhin DC Conference Hall-ah Mamit khawpui chhunga Sorkar hotute meeting a neih pui a. Minister chuan Sorkar hnathawk, Aspirational District, Mamit-a awmte rilru puthmang chu mipui hmasawnna a ni tur a ni tiin mipui ta kan nih angin ram leh mipuite tana theihtawpchhuaha hna thawk thin tur leh mipuite mamawh hriat tuma rang taka chet la thin turin a chah. Union Minister hian Govt. Mamit College a tlawh nghal bawk a ni. Mamit-ah hian Pu Gen Khan Do, Jt, Director, Art & Culture Department chuan a tawiawm a, Union Minister hi a lo thlen atanga a haw leh thlengin Art & Culture Department chuan kan lo dawngsawng a, Pu Vanlalhuma Singson, Archaeologist chu Liaison Officer-ah ruat niin Union Minister cham chhung zawng hian hneh takin a tul ang zawng zawng a buaipui a ni.
