Ministry of Tribal Affairs atanga dawn angin India ram National Song, ‘Vande Mataram’ kum 150 tlin lawmna India ram pumpuiah a kal mek a ni a. Hemi pual hian Eklavya Model Residential School, Tlangnuam-ah leh Zokhua (Mizo Typical aVillage), Falkawnah Vande Mataram sak hona hun hman a ni a, a hmunah hian khualzin leh tlawhtu te pawhin kan hnam rohlu chu min hlutpui em em a, hun tha tak mai kan hmang ho thei a ni.
Vande Mataram hi Bankim Chandra Chhaterjee, India zalenna sualtu zinga mi langsar ber pawl in a 1875 a phuah a ni a. India ram zalenna sualtute chuan an ngaihlu em em a, Kum 1905 a Bengal ram then hran anih dawn a dodalna hmanrua tangkai tak a ni a, mipui te hnuk khawihin ram hmangaihna mipuite fuih thar leh tu a ni.
Kum 1907 khan Madam Bhikaji Cama chuan a vawi khat nan India ram pawnah India Tricolour Flag chu a pholang a, chu flag ah chuan’Vande Mataram’ tih tawngkam hi a chuang nghe nghe a ni.
24th January 1950 a Constituent Assembly neihah khan Dr. Rajendra Prasad chuan India in zalenna a sual lai khan Vande Mataram hian hmun pawimawh tak a chan avangin India National Anthem, ‘Jana Gana Mana’ nen hian a zahawmna a in tluktlang reng a ni tiin an puang ta a, India ram National Song atana hman tan chu a lo ni ta a ni.
2025 leh 2026 chhungin Vande Mataram kum 150-na hi ropui takin India ramah lawm a ni dawn a ni.
 |  |  |
 |  |  |
 |  |  |
 |  |  |
