February 8 – 11, 2024 thleng a hman tur Vividhta Ka Amrit Mahotsav, Rashtrapati Bhavan, New Delhi a hman tur chu President of India, Smt. Droupadi Murmu in a hawng. He hun pawimawh tak hi India ram chhung a hnam hrang hrangte in lungrual taka cheng kan nihna entirna atana buatsaih a ni a He programme-ah hian Art & Culture Department tirhin Mizoram Cultural Troupe ten Buhza Aih cheraw an entir a ni.
He Programme-ah hian a ni hmasa berah Celebration of North East hun hman a ni a, North East India-a State hrang hrang ten mixed-choreography-in an hnam lam an entir a. He hun pawimawh tak ah hian cultural show piah lamah handicrafts, fashion show, food stalls hrang hrang nei turin state tin te sawm an ni bawk. Mizoram aiawh tur hian Mizoram Cultural troupe, Cardinal Choir, Hnam chhantu pawl, Boomerang te an kal a ni.
Mizoram Cultural Troupe te hi Pu Lalnghinglova Hmar, Hon'ble Minster, Excise & Narcotics, Sports etc. in a hun chep tak karah a tawiawm thei a, Art & Culture Dept chuan a chungah lawmthu a sawi a ni.
