Vawiin November 22, 2024 khan Art & Culture Department leh West Phaileng Branch YMA tangkawpin an buatsaih Cultural Meet chu West Phaileng GSA Playground-ah neih a ni a, Pu F. Lalthanmawia, Deputy Director, Art & Culture Department chuan Khuallian niin a hman pui.
Pu Ngursangkima Sailo, West Phaileng Branch YMA President chuan Cultural Meet hi a kaihruai a, Pastor Israel Lalramliana, Isua Krista Kohhran, West Phaileng chuan Hunserh a hmang a, West Phaileng Centenary Choir ten zaiin mipui an awi a; Khuallian Pu F. Lalthanmawia chuan thusawiin ‘kan hnam ziarang leh hnam lam te vawng nung a, a tam thei ang berin zir thiam tur leh Zonun zemawi lan chhuahtir zel turin’ Cultural Meet hmang tute a chah a ni.
West Phaileng Cultural Meet 2024-ah hian heng – MUP-West Phaileng, Chhippui Branch YMA, West Phaileng Dinthar Branch YMA, West Phaileng Kanan Branch YMA, AES-West Phaileng, PES West Phaileng, West Phaileng Bethlehem Branch YMA, Lailen Branch YMA, PES Chhim Veng, Govt. M/S I – West Phaileng atang tein Mizo hnam lam leh zai hmuhnawm tak tak entir a ni a.
West Phaileng Cultural Meet hi LPS Youth Icon 2024 Lalsangliana chuan hmanpuiin zaiin mipui a awi a, Pi Marina Sailothangi Sailo bakah zaithiam hrang hrang kalkhawm te zaiin mipui an awi reng bawk a ni.
 |  |  | |||
 |  |  | |||
 |  |  | |||
 |  |  | |||
 |  |  | |||
 |  |  | |||
 |  |  | |||
 |  | |
 |  |  |
