Mizoram State Archives, Art & Culture Department leh Departmen of History & Ethnography, Mizoram University tangkawp buatsaih Workshop on Archives & Record Keeping chu June 13, 2018 (Ningani) chawhnu dar 1:30 khan Dean Social Science Conference Hall, MZU ah neih a ni a. Programme hi Dr. Lalngurliana Sailo, H.O.D. History & Ethnography MZU chuan kaihruaiin Prof. Zokaitluangi, Dean - Social Sciences, MZU chu Khuallian a ni a. Khuallian chuan hawnna thu a sawiah Record pawimawh vawnthat pawiawhzia leh hemi kawnga tan lak a ngaih thu te, Archives kalphunga record vawnthat dan hriat te, Mizoramin record dik leh felfai tak nei tura tan tlan a tulzia thu te a sawi a. Chumi zawhah Pu F. Lalthanmawia, Archivist, Mizoram State Archives in Archives  kalhmang leh a hnathawh a sawi veleh a. Pu Lalmuanpuia, Supdt.of Archives chuan Mizoram State Archives hnathawh leh hman tangkai dante a sawi ve leh a. History Department a IV Semester zirlai ten Archival Heritage of Mizoram chungchangah Govt. Offices; Govt. Institutions leh Churches in Mizoram an zir bingna (research) te chu power point hmangin ngaihnawm takin an present hnu ah Dr. Joseph Lalzarliana Asst. Professor chuan Archival Theory power point hmangin a present ve leh a; chumi zawhah Archivist kaihhruainain sawihona hun hman leh a ni. Workshop Programe hi a hlawhtling hle a, zirlai bakah  faculty te nen mi 130 Workshop ah hian an tel thei a. Sawihona hun tha tak hman zawh hnuah Professor O. Rosanga chuan Vote of thanks sawiin programme hi a khar ta a ni.