Vawiin October 18, 2024 khan Art & Culture Department leh Central Young Mizo Association (CYMA) tangkawpin an buatsaih Chief Minister's Runnning Trophy on Cultural Dance Competition-2024 chu Dawrpui Multipurpose Hall, Aizawl-ah neih tan niin Prof Lalnuntluanga, CYMA Vice President chuan a hawng.
CM Running Trophy Mizo hnam lam intihsiak hawnna inkhawm tawi hi Pu Gen Khan Do, Joint Director, Art & Culture Department in a kaihruai a, Pu C. Vanlalruata, Chairman, Cultural Sub Commt., CYMA in report a pe a; Pu F. Lalthanmawia, Covener, Technical Sub Commt. & Deputy Director, Art & Culture Dept. chuan intihsiak dan tur a sawifiah a, CYMA Vice President Prof Lalnuntluanga chuan thu tawi sawiiin he intihsiak hi a hawng a ni.
CM Running Trophy Mizo hnam lam intihsiakah hian Mizo hnam lam- Cheraw (Buhzaaih) leh Khuallam hmanga intihsiak hi neih a ni a. YMA Branch 52 in tel turin hming an pe lut a, ni khatna vawiin a neihah hian Branch 15 an intihsiak , Branch 3 an tel thei ta lo a. Naktukah hian YMA Branch 34 an intihsiak leh ang a. Nl. Lalhmangaihzuali, Art & Culture Deptt. chuan intihsiakna hun hi kaihhruai in naktuk October ni 19, 2024 (Inrinni) hian intihsiak thawhhnihna chhunzawm leh tur niin, lawmman semna hun chawhnu dar 2:00-ah hman a ni ang a. He hunah hian Pu Lalduhoma, Chief Minister chu Khuallian a ni ang.
 |  |  |
 |  |  |
 |  |  |
 |  |  |
 |  |  |
 |  |  |
 |  |  |
 |  |  |
 |  |  |
 |  |
