June 19, 2025 khan Paragliding Pilot certificate dawng thei naupang ber Youngest Certified Paragliding Pilot Samuel Lalbiakhlua chuan Mizoram State Museum, Art & Culture Department a mipui en theih turin a certificate dawn te leh a thawmhnaw thehkhat te a donate a, Pi Carol V.L.M.S. Dawngkimi, Director, Art & Culture Department chuan a lo dawngsawng a ni.

Samuel Lalbiakhlua s/o MS Dawngzuala hian Paragliding Professional course chu Bir Billing, Himachal Pradesh-ah kum 7 thla 5 leh ni 3 a nih chiahin a zo, Youngest Certified Paragliding Pilot a ni. Samuel Lalbiakhlua hi World Record thar international Book of Records ah March 19, 2024 khan ziahluh a ni a, International Book Of Records in hriatpuina certificate a hlan.

Kum 6 a nih atangin Samuela hian paragliding a ti tan tawh a, tuna a zawh tak hi Pilot Level-2 (P2) niin tha takin TT School of Paragling Bir Billing, Himachal Pradesh atangin a zo. P2 level Course ZO tur hian vawi nga solo flight neih a ngai a, , Samuela hian tha takin a zo thei a ni. Samuela te hi Saitual khua niin Saitual PES-ah class 7 a zir mek a ni.